يا ليل ياللي تعرف اللي اضهدني
وتعرف بلاي وتعرف اللي جرا لي
ما اكثر همومي و الغموم انهكتني
عسى بعد ما شفت ينزان حالي
كربة بغفلة وبغتة(ن) داهمتني
وأنا لي الله العالم بكل حال
حرقة تحوس بخافقي و حرقتني
ونيت من حرها الليالي الطوال
حالي تحول والسعد حل عني
و الحزن رافقته وغدا خل غالي
من بعد ما كانت تود وتحن
قالت: عسى اللي بيننا للزوال
أمن قدرنا أمن وغصب عني
كابوس شفته حق ما هو خيال
بقعاء تصك اللي تسبب بغبني
وعساه يهوي من على رجم عالي
حاير وثاير غاير العين أون
لا موت غالي ولا فقدت الحلال
فقدت من كنت احسبه ما يعني
وعانيت من فرقا حسين الدلال
الهم اسرني لا هو زيف وظن
يا الله تمكني أفك الحبال
أفكها واشرد واقول واغني
الحمد للي بدل الحال حال
الجسم ناحل من خليل(ن)فتني
فتنة أشد من القتل و القتال
والقلب مكلوم(ن) و قلبي كلمني
قلبي كلم قلبي ولا هو يبالي
زفرة وعبرة وخنقة(ن) لازمتني
لا بعدها سلوى ولا بالوصال
يا ليل في جوف الخفوق اجرحتني
جرحي غزير وغاير الدم سال
جرحي علاجه تعتني به بفن
ايد(ن) تخاف الله عظيم الجلال
لا تترك الطاعة وطع دون من
واصبر عسى بصبرك تطول المنال
اللي ابتلاني ربي ويمتحني
يا الله عسى أظفر بصفو الخلال
وصلوا على من ساد إنس(ن) وجن
صفوة قريش الهاشمي ذي المعالي
المختصر المفيد
ليست هناك تعليقات:
إرسال تعليق
أضف تعليقا !