عذابي زاد من فرقى عذابي
و أنا صابر و راضي في مصابي
أعاني من فراقه كل ليلي
و نهاري نهر يجري به سرابي
أنا ما اقدر على فرقاه لحظة
و هو غاية مراده هي غيابي
غيابه بلوتي الكبرى بحياتي
حياتي اللي غدت في إكتئابي
أكابر و ادعي النسيان مرة
و انا ادري ان العنا ضيع شبابي
حشى ما أدعي إني بسعادة
قبل ما أودعه يوم الغياب
و لاني في سعادة بعد فقده
و هذا الحول عدا في ذهابي
أحس إني غريب(ن) بين ربعي
و أشوفه كلما شفت السحاب
من الحسرة على خلي و حالي
أحس أني أبطلع من ثيابي
بعد ما بان عني دون موعد
و صار اللي قضى ربي بكتاب
رضيت بحكم ربي و المقدر
بلاوي ربما تضيع صوابي
كأني وقت نومي وسط جمر(ن)
كواني بلاهب (ن) زاد التهابي
عسى الله يغفر ذنوبي و ذنوبه
و يجعل جمعنا بعد العذاب
بجنات النعيم اللي لاجلها
أضحي بالذي سبب عذابي
و صلاة الله عدد خلقه جميعا
على الهادي اللي دعواته تجاب
