مالي ومال الحب شاللي قردني
شاللي ابتلاني به بعد ما لدغني
يوم إني أصرخ مندمر ما سمعني
الحب بلوى حلوها مر وامرار
القلب مايل صادق ما جفاها
و الجسم ناحل ذابل من بلاها
و العين تشكي من أثر نقص ماها
يا رب أنا والله راضي وصبار
قالت : شريتك يا رجل ما أبيعك
و ابشر بمن يسمع كلامك ويطيعك
يا اللي بعد كثر المشقة لقيتك
أنا ربيعك يا رجل ليه تحتار
بالمختصر ردت مواري البلاوي
واثري بعد كثر المداوير ناوي
يا رب جنبني دروب الشقاوي
واجعل ختماي جنة حولها انهار
المختصر المفيد
ليست هناك تعليقات:
إرسال تعليق
أضف تعليقا !