غاية هوانا إنا نلاقي منانا
وامنى منانا حظوة(ن) في الميادين
نسعى السعي في كل مكان و زمانا
ننصى الشرف و الصيت و المجد و الدين
في دنيتك تلقى النقا و العفانا
تلقى الملايك نوب و تلقى الشياطين
تلقى المصايب نوب في كل مكانا
و فجأة الفرج خيب طموح الرديين
مرة تصير بحال حانا و مانا
و اخرى تعيش احوال خير السعيدين
دنيا دنية شفت منها الخيانا
شربت من مرها على مر السنين
يا الله عسانا ثم يا الله عسانا
و يا الله عسانا انا نكون الحظيظين
حظنا جرم فينا و بلانا شقانا
طاح الجمل من كثر طعن السكاكين
شفنا المرض مرات ما اكثر بلانا
و الهم شفنا من سواة المريضين
كنا نظن انا لقينا هوانا
لما هوينا من هوى الصاحب الزين
الصاحب اللي طعنته من ورانا
صوب الحشا بعد العشا يا المعانين
منه تفتت خافقي ما توانا
و النوح نوحي مثل نوح المساكين
عفت الرغد من بعد ما هو رمانا
بالزور و البهتان و الزيف و الشين
و من بعد همي ابتسم لي الزمانا
عسى مآلي للرضى و السلاوين
يا الله تسكن كافري في الجنانا
و تغفر ذنوب اللي له تفيض عينين
اللي وعدني بالعزم و الصيانا
و اخر وعوده عود وانحط في العين
اللي بعد صدق المودة جفانا
و سوا سواة الخاينين الوضيعين
يا ليل دانا و دان يا ليل دانا
أهل الهوى يا ناس و الله مجانين
و اختم قصيدي و قصتي و ما دهانا
بازكى صلاة تهدى لسيد النبيين
المختصر2008-10-15 المفيد
ليست هناك تعليقات:
إرسال تعليق
أضف تعليقا !