تدعين الخوف مني
تدعين انك أسيرة
تنزعين الود مني
نزعة(ن) مرة و عسيرة
تكرهين القرب مني
بانت الحين السريرة
وش سبب هذا التجني
عيشتي هم(ن) و حيرة
غلطتي هي حسن ظني
تحسبين انك بصيرة ؟
الوفا و الصدق فني
من يشاورني باشيره
و الشقا ويا التعني
لي معاهم دوم سيرة
دنيتي سجن(ن) سجني
و اسأل الرحمن جيرة
كل من يبخص نشدني
يا رجل حالك محيرة
يا عجب تشدي و تغني
بالعلن ويا السريرة
بالتي باتت بأمن
وانت جوفك به سعيره
قلت يا الهبلان حزني
مو على ذيك المريرة
قلت حزني اللي قصمني
و أيضا(ن) همومي الكثيرة
عاللتي كانت تحن
فرحتي معها قصيرة
كنت أنا عز التمني
وكنت أنا الشمس المنيرة
عقبها يا كثر وني
ما اكثر دموعي الغزيرة
خافقي أدماه طعن
طعنة(ن) جت من عشيره
غدرة(ن) منه اصدمتني
و كنت أنا كلي غديره
ليست هناك تعليقات:
إرسال تعليق
أضف تعليقا !