أنا اللي يزيد آلامي مصايب صمت الأسماع
تجرعت المرار اللي تسمم من تجرعها
أشوف من البلاوي شرها من أشنع الأنواع
و أنا الصابر و أنا الراضي و أشكر من يقدرها
تذكرت اللي أثر بي و سبب في الجدار اصداع
أبذكرها و أنا كاره لعل الذكر يهونها
فراق اللي لها ودي ولها كل الخفوق انصاع
بغفلة غادرت عمري و قلبي ظل يناشدها
و بعد ما باعدت عني و شفت من الكدر أنواع
زهدت بدنيتي كلها و روحي صرت أهونها
وراها صرت اهيم وصرت أنا المغدور و الملتاع
وهي و الله و لا همها ولا طيبي يعدلها
كفرتي يا الجحود بعشرتي و الحكم فيه اجماع
هل الحكمة من اللي علومهم ما احد(ن) يعذربها
بعد اربع سنين من العمر عدت على تسراع
ظهر فيك الغدر بعد الستر ماانزاحت اثوابه
خلطتي ألف كذب و صدق واحد قمة الإقذاع
و حالك كذب آمالك بعد ما كاد يصدقها
على رغم الطعون اللي اصرعتني بكثرة الأوجاع
و على رغم الوجع و الغبن قلت الحال باصلحها
و لكن وين لي حيلة وخلي يتبعه اتباع
انا منهم و هم مني و لهم الارواح نرخصها
يبيعوني بكل قسوة وانا ظنيت ما انباع
و لكن بيعتي ياللي تبيعوني انصدمت ابها
و حزتها اكملت الاحزان و صرت ابحر بليا شراع
بلا مسكن و لا سكنى ولا عزوة الوذ ابها
و فورا هالني اللي شفت من خلي من الاطماع
"حشر" ظنه حشرني حشرة(ن) تحشرنجايبها
و لكنه حشر نفسه يحسب النفس له تنصاع ؟
بلش نفسه معي بلشة و ما ادري شلون يرقعها ؟
"سعد" صده بعد ربي ورد المد وزاده صاع
و صاعي بعد ما شافه و فعولي ما يسايرها
أنا ما اترزق بكذب(ن) و طول لسان يا طماع
أنا مالي بحكم اللي الشريعة ما يطبقها
أنا بحالي و لكن من يقربني بيلاقي اسباع
تدك القاع بأقدام (ن) على الطولات تجبلها
ألا يا لعنبو شغلتك هاللي تجعلك في القاع
لاجل دينار(ن) محرم جيف الاموات تاكلها
و "أبو نقص" الذي له دين مذهب ماخذا باوساع
على لحوم الجيف عايش ردي النفس ناقصها
نقصت بزود عقب افعولك اللي تجلب التشناع
و جزاك بيلحقك لا تخاف ترى العبرة بنهايتها
ترى الكافر وهو كافر و ظلمه ما يصير اجماع
أجل ظلم النفوس المؤمنة وش هي عواقبها ؟
تماديتوا بظلم اللي له بلطم المعادي باع
تجيكم لطمة(ن) طرشا ويديني ما اثمنها
أنا حلي التجرد من مشاعر تجلب الترواع
و مطلوبلي سلام(ن) دايم(ن) و الروح أريحها
شسوي بحظي المايل حبايب قلبي ألف وداع
وعدنا جنة المأوى سعادة حظ ساكنها
أيا دنيا تدنيتي و دين الله بعد ما ضاع
أيا ملعونة الخير و مرحوم اللي يلعنها
أنا اللي بالحزن و الهم نجمي زاد في التسطاع
و هذا قدره ربي و خالقها و مقدرها
وراكم يا هلي ياللي نصرتوا بو عيون وساع
قسيتوا دونما رحمة على اللي منجرح منها
سألتك يا إله الكون وانا عبد انملى باوجاع
تعوضني بآخرتي و روحي لا تعذبها
و خلي اللي ظلمني حيل و اللي صابني باصداع
تسكنه جنة الفردوس وذنوبه ربي اغفرها
و اذا يا رب انا ظالم تراني آيب و رجاع
عسى نفسي الهي لك عليم الغيب أطوعها
و صلاة الله على الهادي علومه جابت الأصقاع
أبو القاسم نبي الله له الأرواح نرخصها
ليست هناك تعليقات:
إرسال تعليق
أضف تعليقا !