يا سقى الله الزمان اللي جمعنا
الزمان اللي التقلب من سماته
يوم يجمع شملنا ويوم يعفسنا
بظننا نغلبه و يورينا سواته
الزمن و يا المحن دوم تغلبنا
ما اضعفك يا الآدمي عند ادهماته
يا كثر ما داهمتنا و اطعنتنا
ما تفك المبتلي إلا صلاته
بالعبادة وصلنا ويا سعدنا
و بالدعا تبعد عن الهم و دعاته
لا اتعجب من طعون اللي فعلنا
فيه معروف(ن) و أظهر لك رداته
بل تعجب من وفي(ن) ما رخصنا
يجزي بالمعروف معروف(ن) بذاته
يا زماني اللي شقاني و زاد و عنا
بعد من ظنيت يفداني بحياته
و من بعد بعده غدت الاحزان سنة
مثل سنة عابد زاد بصلاته
كل كربة(ن) لفتني بعد منا
يا صغرها بعد ما راح بغلاته
من بعد ما راح و من شوفه حرمنا
ما يأثر صلخ قصاب(ن) بـ(شاته)
من بعد ما سن سكين و ذبحنا
وش يهم المنذبح بعد وفاته ؟
ليست هناك تعليقات:
إرسال تعليق
أضف تعليقا !